ప్రకృతి కేళి !!!

రెక్కాడితే గాని డొక్కాడని స్థితిలో
రేయనక పగలనక
శ్రమియించి కూడబెట్టి
గతగడానికి కొన్ని గంజి నీళ్లు
కప్పుకోవడానికో కొంత బట్ట
తలదాచుకోవడానికో కొంత చోటు సంపాదించుకొని
భార్యాబిడ్డలతో ఇరుగుపొరుగు తో
సుఖసంతోషాలతో ఇలాగే సాగిపోవాలని
పిల్లలు ఎదిగి పెద్ద హోదాలో ఉండాలని
జీవితం లో ఇంతకన్నా ఏమి కావాలి మనిషికి
అని అనుకుంటున్న తరుణంలో
ప్రకృతే విలయతాండవం చేసి
డొక్కలో కొడితే
ఎటూ పాలు పోనీ శరీరం
మళ్ళీ కష్టించే శక్తి లేని దేహం
కొమరుల భవిష్యత్తు కృష్ణలో కలుస్తుంటే
గుండె చెదరి కల చెదరి
సాగారానికై తనువు పయనించక
సామాన్యుడనైన నాకు నీతో పోరాడే శక్తి ఎక్కడ?

రండి !!! వరద పీడిత ప్రజల్ని ఆదుకుందాం!!!