నా బ్లాగ్ ఫేస్ బుక్..లైక్ చెయ్యండి

https://www.facebook.com/pages/మనసులో-మాట/260356723991261

ప్రేమ కోరిక కోపం

ప్రేమ సముద్రం లాంటిది,అందరినీ ఆకట్టుకుంటుంది!
కోరిక సెగ లాంటిది, ఎక్కువైతే దహించేస్తుంది!!
కోపం అల లాంటిది, సునామిలా మింగేస్తుంది!!!

కెవ్వు కేక!!

తెలివి ఎవడికి తక్క?
అతి తెలివి ప్రదర్శించకు నీకే బొక్క!!
అయితే ఏంటంటావా తొక్క?
పొగరు తలకెక్క!!
ఏంట్రా నీ లెక్క?
పిచ్చివాడిలా ప్రవర్తించి అవ్వకు కుక్క!!
అందరు అంటారు నీకు తలతిక్క!!
అప్పుడు లేకుండా పోతావులే లెక్కలో!!
కెవ్వు కేక!!

అంతరాత్మన్!!!

అడుగులో అడుగునై,
నీ కష్ట సుఖాలకు తోడునై,
ఎల్లపుడూ నీ చెలికత్తెనై,
నీ ఆశల సౌధానికి నిచ్చెననై,
నీ వెన్నంటే ఉండే...ఇంకేం ఆలోచిస్తున్నావ్??
నీ అంతరాత్మన్ రా భై!!

కదలుదాం... రండి!!

అక్రమార్కుల ఆట కట్టే విక్రమార్కుడు ఒక్కడేరా!

ప్రజాక్షేమం మంటకలిపి స్వార్జితానికి బానిసైన

వారి దుమ్ము దులపడానికి రెడీఅయి వచ్చాడురా!!

ఒక్క పోచే కదా అనుకుంటే తప్పురా!

నీ ఆస్తుల చిట్టా పెగిలించే గునపమవుద్ది రా!!

ఎన్ని వత్సరాలు బతికేది నీకే తెలీదు రా!

అలాంటిది బతికినన్నాళ్లు నలుగురికి సాయపడటం నేర్చుకోరా!!

రెక్కలు ముక్కలు చేసుకుని కష్టపడుతున్న పేదవాడిని చూడరా!

తేరగా దోచుకోవడానికి నీ బండరాతి హృదయానికెలా దరిస్తుందిరా!!

ప్రజాధినేత అంటే ప్రజల కష్టాన్ని సొమ్ము చేసుకోవడం కాదురా!

ప్రజోపకారం చెయ్యడమని నీకు తెలీదురా?!

సొమ్ముసొమ్మని దోచుకున్న కుతంత్రుల అవినీతికి చెక్ పెట్టె బిల్లు వస్తుంది రా!

అందరి జీవితాలకి వెలుగుని తెస్తుంది రా!!

ఇండియా-పాక్ సంగ్రామం

బీద బిక్కి పెద్ద చిన్న నో తేడాల్!

ఈ మ్యాచ్ అంటే జనాలకి ప్రాణాల్!!

వేడెక్కించే ఆటైతే జనం చల్!

ఏ మ్యాచ్ సరి రాదులే దీనికి సవాల్!!

హెలికాప్టర్ షాట్ నిల్!
అయినప్పటికీ ఊపర్కట్ చాల్!!

బౌలర్స్ అదుర్స్ విత్ బాల్!
ఫీల్డింగ్ క్లిక్డ్ వెల్!!

గుంత లకిడి గుల గుల గుల గుల్!

ఇండియాకి చిర్రెక్కితే పాకిస్తాన్ డల్!!

ఆహా! ఏమా అందం !!!

తొలిచూపులోనే ఆహా! అబ్బబ్బబ్బబ్బా!!

ఏమని చెప్పను ఆ ఖజురహో శిల్పం గురించి,

ఏమా సౌందర్యం!!!

తివాచిలా విశాలంగా పరచివున్న నుదిటినా

చురకత్తుల్లాంటి నయనాలనా
ఘాటుగా వాలుజారిన ముక్కునా

తొలకరి జల్లులతో తడిసినట్లున్న అధరాలనా

ఆహా ఏమా ముఖ పరిచయం!

ఎంతటి కారుచీకటినైన చీల్చకుండా ఉంటుందా!!

మత్తెక్కించే ఆ అందం

ఆ హొయలు సోయగాలు

ఒంపు సొంపులు

ముట్టుకుంటే కరిగిపోయాలా సుకుమారమైన నడుము

నడుస్తూవుంటే నెమలి పించంలా నాట్యమాడుతున్న కేశ సౌందర్యం గురించా

దేహానికే వన్నె తెచ్చిన ఆమె వెనుక అందం!!!

ఆహా 
నఖశిఖ పర్యంతం ఓ కళాఖండంలా
యువకుల గుండెల్ని కొల్లగొడుతూ
ఓ అచ్చమైన తెలుగుపిల్లలా
అందమైన బాపు బొమ్మలా
నడిచివస్తున్న దేవకన్యలా ఉన్నది  కదా!!!
అజరామరం ఆ అందం!!!

నోబెల్ పై ఒబామా 'శాంతి'

నేనుసైతం నోబెల్ శాంతికి ఎంపికైనాను
నేను చేసిన శాంతి ఏమి
నేను చేసిన పాపమేమీ ||

ఎందుకీ నోబులు నాకు
నేను కనీసం ఓం శాంతి ఓం సినిమానైన చూడనైతిని

నాకు ఎందుకీ నోబులు శాంతి

నేను చేసిన పాపమేమి

నేను చేసిన  శాంతి ఏమి ||

నేనుసైతం గాంధీనై  శాంతి కోసం పోరాడనైతిని

నెహ్రూ నై కపోతమెగుర వేయనైతిని

నాకు ఎందుకీ శాంతి నోబులు

నేను చేసిన శాంతి ఏమి
నేను చేసిన పాపమేమీ ||

నేనుసైతం నోబులు శాంతికి  ఎంపికైనందుకు
ప్రజల మనసులో అశాంతి ఏల
నోబులు బహుమతి కే శాంతి లేకుండా
నేను చేసిన పాపమేమీ
నేను చేసిన శాంతి ఏమి||

ప్రకృతి కేళి !!!

రెక్కాడితే గాని డొక్కాడని స్థితిలో
రేయనక పగలనక
శ్రమియించి కూడబెట్టి
గతగడానికి కొన్ని గంజి నీళ్లు
కప్పుకోవడానికో కొంత బట్ట
తలదాచుకోవడానికో కొంత చోటు సంపాదించుకొని
భార్యాబిడ్డలతో ఇరుగుపొరుగు తో
సుఖసంతోషాలతో ఇలాగే సాగిపోవాలని
పిల్లలు ఎదిగి పెద్ద హోదాలో ఉండాలని
జీవితం లో ఇంతకన్నా ఏమి కావాలి మనిషికి
అని అనుకుంటున్న తరుణంలో
ప్రకృతే విలయతాండవం చేసి
డొక్కలో కొడితే
ఎటూ పాలు పోనీ శరీరం
మళ్ళీ కష్టించే శక్తి లేని దేహం
కొమరుల భవిష్యత్తు కృష్ణలో కలుస్తుంటే
గుండె చెదరి కల చెదరి
సాగారానికై తనువు పయనించక
సామాన్యుడనైన నాకు నీతో పోరాడే శక్తి ఎక్కడ?

రండి !!! వరద పీడిత ప్రజల్ని ఆదుకుందాం!!!

మనసు దోచిన కన్నెపిల్ల!!!

దివి నుండి భువికి దిగి వచ్చిన దేవకన్యవో
తారాజువ్వలా తళుకులీనిన కన్నెపిల్లవో
నీ జాడ తెలియరాదేమి?
నా మనసు దోచిన కన్నెపిల్లవో
దోబూచులాటలేల నీకు?
నా మతి భ్రమింప చేసిన శిలవో
ఏ శిలల మధ్య దాగున్నావు?
కనిపించవా మళ్లీ ఇంకొకసారి ?
లేక తామరాకు పై నీటి బిందువేనా
నా ఆనందం??